Kyzylorda-News.kz

  Қызылорда облысы ТЖД Өрт сөндіру және авариялық-құтқару жұмыстары қызметінің кәсіби дайындық мектебінің базасында Қызылорда облысы ТЖД бастығы, азаматтық қорғау полковнигі О.Бержановтың төрағалығымен семинар өтті.

  Семинарға кезекшілік қызметінің қызметкерлері, қала және аудан өрт сөндіру бөлімінің жетекшілері қатысты. Семинарда қызмет бастығы, азаматтық қорғау полковнигі А.Омаров біліктілікті арттыруға арналған семинардың  маңызы жайлы атап өтті.

  Семинар барысында әр түрлі деңгейдегі кәсіпорындар мен мекемелердегі өрт сөндіру және авариялық-құтқару жұмыстарын жүргізу мәселелері қаралды. Өрттерді сөндіру туралы баяндамаларды қала мен аудандық өрт сөндіру бөлімінің басшылары жасады, сондай-ақ слайд түрінде материалдар таныстырылды.