ПРОФИЛАКТИКАЛЫҚ ШАРА ӨТКІЗІЛУДЕ
Ертең республикалық «Шартты түрде» профилактикалық іс-шарасы аяқталады. Аумақтық пробация қызметтерінің есебінде тұрғандар тарапынан жасалатын құқық бұзушылықтардың және қылмыстың алдын алу, сондай-ақ іздеу жарияланған сотталғандардың тұрғылықты жерін анықтау мақсатын көздеген шарада Байқоңыр қалалық пробация қызметі Ресей Федерациясының Ішкі істер басқармасының инспекторларын жұмылдырып, қызметкерлер күшейтілген қызмет түріне көшірілді. Қызылорда облысы бойынша Байқоңыр қалалық пробация қызметі және РФ Ішкі істер басқармасының учаскелік полиция бөлімшесінен инспекторлары сотталғандардың тұрғылықты жерлеріне тексеру жұмыстарын жүргізді.
Іс шара барысында екі сотталғанның жаза өтеу талаптарын бұзғандығы анықталып, қалалық сотқа олардың бас бостандығын шектеу жазасын бас бостандығын айыру жазасына ауыстыруға ұсыныс жолданды.
Н.С. БАЙМЫРЗАЕВ,
әділет капитаны,
Байқоңыр қалалықПҚ бөлім бастығы
