ГАРАЖДАН 15 МЛН ДОЛЛАРДЫҢ КАРТИНАСЫ ТАБЫЛДЫ
Американың Аризона штатында тұратын Гордон Косгриф есімді зейнеткер гаражында аса қымбат картинаны сақтап келгенін өзі де білмепті. 1956 жылы өмірден өтіп кеткен АҚШ-тың атақты суретшісі Джексон Поллоктың бұл туындысы аукционда 15 млн. АҚШ долларына бағаланып отыр. Қымбат қазына аяқ астынан табылыпты. Кезінде баскетбол жанкүйері болған Гордон ақсақал гаражында жатқан "Лос Анджелес Лейкерс" командасы плакатының құнын білмек болып, кәсіби бағалаушыны шақырады. Джош Левин есімді бағалаушының көзі баскетбол постерінен бұрын гараждың бір бұрышында елеусіз жатқан картинаға түсіпті. Өз қалатасынан ондаған мың доллар шығындап, картинаға химиялық сараптама жасатқан Левин туынды Джексон Поллоктікі екенін дәллдеді. Горданның әпкесі Дженифер кезінде талай өнер адамдарымен араласқан көрінеді, картина сол кезде сыйға тартылса керек.
Айтпақшы, әу баста зейнеткер бағасын білмек болған плакат 300 долларға ғана бағаланды.
