Kyzylorda-News.kz

   Ата-аналардың қолдауымен «Робинзон» балалар демалыс орталығында Қорқыт Ата атындағы Қызылорда мемлекеттік университеті   Хореография кафедрасы жанынан ұйымдастырылған «Керемет» балалардың хореография және театр студиясы 2016-2017 жылдық жұмысының есептік бағдарламасын көрсетті.

  Студия жетекшісі «Хореография» кафедрасының аға оқытушысы – С.Нұрманова. Концерттік бағдарламаға ата-аналар мен қонақтар көрермен болды.

  Студияға қатысушы жас артистер би билеп, ән айтты. Актерлік шеберліктерін мазмұнды тақпақ арқылы көрсетіп, «Шыбынбике-Шыбынгүл», «Үш торай» ертегілерін сахналады. Жыл бойы университеттің концерттік бағдарламаларына қатысып үздік өнер көрсеткені үшін біршама бүлдіршіндер «Алғыс хатпен» марапатталды. Концерттік бағдарлама демалыс орталығының түрлі ойын-сауығымен жалғасты.

  Ата-аналар балаларының жыл бойы үйренген ән, би, сахналық қойылымдарын көріп, ізгі тілектерін білдірді.