Kyzylorda-News.kz

   Қызылорда қаласындағы №4 облыстық дарынды балаларға арналған мектеп-интернатында түлектерге арналған «Бала шақтан - болашаққа» атты аттестат тапсыру кеші өтті.

  Дарынды мектеп -  талай алтын, жұлдызды, үлгілі түлектерді  түлеп ұшырған білім ордасы. 2016 - 2017 оқу жылында 39 оқушы мектеп бітіріп жатыр.  Мемлекеттік қорытынды аттестатау нәтижесінде сегіз  «Алтын белгі» , бір  «Үздік аттестат» иегері шықса, он бес оқушы сынақты «өте жақсы» , 9 шәкірт «жақсы» деген бағаға тапсырды.  

  Аттестат тапсыру рәсіміне облыстық білім басқармасының өкілдері мен еңбек ардагерлері, ата-аналар, педагогикалық ұжым  қонақтары қатысты.  

  Дарындылар талабына ақ жол тілеген білім басқармасы басшысының орынбасары Құралай Ерташова түлектерге аймақ басшысының құттықтауын жеткізді.