23 МЫҢНАН АСТАМ ҚАЗАҚСТАНДЫҚ ЕСКІ КӨЛІГІН ТАПСЫРДЫ
2016 жылдың 21 қарашасынан осы күнге дейін тозығы жеткен көлік құралдарын ынталандыру бағдарламасы бойынша ӨКМ Операторының қабылдау бекеттеріне 23 030 автокөлік тапсырылды.ӨКМ Операторы баспасөз қызметінің хабарлауынша ескі көліктерді тапсыру бойынша Шымкент қаласы бірінші орында. Бағдарлама басталғалы бері олар 2 980 автокөлік өткізіп отыр. Тозған техникадан арылу көрсеткіші бойынша Қостанай екінші (1 825), Талдықорған қаласы (1 597) үшінші орында тұр.
Бағдарламасына қатысып, ескі көлігін тапсырғандарға (1 санат бойынша – 150 мың теңге) – 3 440 700 000 теңге ақшалай өтемақы (22 998 көлік) төленді. Екінші санат бойынша (48 мың теңге) 1 536 000 теңге (32 көлікке) аударылды.
Жоюға тапсырылған көліктердің қатарында «Жигули», «Москвич», «Волга» сияқты кеңестік кезеңде шыққан машиналардан басқа, шетелдік көліктер де тапсырылуда.
Бағдарлама бойынша қабылданған ең ескі көлік – 1946 жылы шығарылған «Москвич» автокөлігі. Оны Семей қаласының тұрғыны өткізген. Ал жаңа көліктерден 2014 жылы шыққан «Лада 21901» автокөлігі тапсырылған.
Сонымен қатар тозығы жеткен машиналардың арасында «Мазда», «Фольксваген», «Хонда» сияқты шетелдік автокөліктер кездеседі.
Жоюға өткізілген көліктердің орташа шығарылған уақыты 25-30 жыл. Ескі көліктерді утилизацияға тапсыру бағдарламасын оңтайландыру үшін 2017 жылдығң қаңтар айынан бастап электронды кезек жүйесі енгізілді. ӨКМ Операторының Call -орталығына (8 800 080 08 65) хабарласу арқылы және auto.recycle.kz. ресми сайты бойынша кезекке тұруға болады.
2016 – 2017 ж қабылданған ескі көліктер бойынша мәлімет
|
