ҚҰТҚАРУШЫЛАР АРДАГЕРМЕН КЕЗДЕСТІ
Қызылорда облысы ТЖД Өрт сөндіру және авариялық-құтқару жұмыстары қызметінің мәжіліс залында сала ардагерлерімен кездесу өткізілді. Жеке құрамды мемлекет пен мемлекеттік рәміздерді, қоғамды құрметтеуге, ұрпақтар сабақтастығын қадірлей білуге үндеген кездесуде «Ішкі істер органдары мен Ұлттық Ұлан ардагерлерінің Қазақстандық ұйымы» қоғамдық бірлестігінің филиалы «Қызылорда облысының Төтенше жағдайлар бөліністері ардагерлерінің ұйымының» төрағасы, департамент бастығының кеңесшісі Т.Ботабаев өзінің баға жетпес тәжірибесімен бөлісіп, азаматтық қорғау органдарындағы қызметінің барлық маңыздылығын өз тәжірибесінен мысал келтіре отырып, түсіндіріп берді.Ардагерлер қай қоғам үшін де құрметті. Жастар алдыңғы буын өкілдерінің өнегелі әңгімесін тыңдап, ұлағатын ойға түйді.
