ОБЛЫСТА ОҢДЫ ТӘЖІРИБЕ ЖҮЗЕГЕ АСАДЫ
Кеше облыс әкімі Қырымбек Көшербаевтың жетекшілігімен аппарат мәжілісі өтті. Күн тәртібінде бірнеше мәселе қаралып, биылғы жылдың бірінші жартыжылдығында атқарылған шаралар барысы талқыланды. Аймақ басшысы алдымен өңірдегі мемлекеттік органдарды жобалық басқару бастамасына тоқталып өтті. Бұл жобаға байланысты облыстық делегация өткен айда Ресей Федерациясының Белгород облысында болып, тәжірибе жинақтап қайтқан еді. Ендігі кезекте көрші мемлекеттен келген арнайы топ біздің орган басшыларымен кездесіп, семинарлар өткізуде.
Өңір басшысы Белгород облысының ауылшаруашылығы өндірісімен айналысатынын атап өтті. Осы сала бойынша көш соңында қалып келген өңір соңғы жылдары жобалық басқару арқылы алдыға шықты. Қазір тіпті үздік үштікте тұр. Осыған орай ҚР Президенті Әкімшілігі Белгород тәжірибесін біздің облыста енгізуге тапсырма беріп, белгородтықтармен тәжірибе алмасуға барған делегацияны облыс әкімінің орынбасары Евгений Ким бастап барды.
