ЖАЛАҒАШТЫҚТАР КӨРМЕГЕ АТТАНДЫ
Жаһан жұртшылығының назарын аударып отырған «ЭКСПО-2017» халықаралық мамандандырылған көрмесіне облыс орталығындағы теміржол вокзалынан 100-ге жуық жалағаштық аттанды. Олардың басым көпшілігі кент әкімшілігі, мәдениет бөлімі және білім бөлімінің қызметкерлері. Олар әлемнің жүздеген мемлекетінің озық инновациялық идеялары мен ғылыми, мәдени жетістіктері орналасқан павильондарды бір тәулік бойы аралайды. Көрме аумағында өткізілетін концерттер мен таңғажайып шараларды тамашалайды. Жалпы Жалағаш ауданында 3600 адам «ЭКСПО-2017» көрмесіне баруға ниет білдіріп отыр.
