«EXPO-2017: БҮГІН САҒАТ 19:00-ДЕ
Бүгін сағат 19:00-де «EXPO-2017: Болашақ энергиясы» Халықаралық көрмесінің ашылу салтанаты өтеді.
«Қазақстан» Ұлттық телеарнасы шараны тікелей эфир арқылы көрсетеді. Ашылу рәсіміне 17 мемлекеттің басшылары мен үкімет жетекшілері, 100-ден астам мемлекет өкілдері, кәсіпорындар мен ұйымдардың қызметкерлері қатысады. Ұйымдастырушылардың мәліметтері бойынша, көрмеге жалпы 2,4 миллион адам келмек. Олардың 15 пайызы - шетелдік туристтер. Кешен аумағы 25 гектарды құрайды. Естеріңізге саламыз, көрме 10 маусым мен 10 қыркүйек аралығында өтеді. ЕХРО-2017 ТМД елдерінде өтетін алғашқы көрме болмақ.
