ОРТАЛЫҚҚА ЕРІКТІЛЕР КЕЛДІ
«Шапағат» балаларды сауықтыру орталығында «Қайырымды жандар» еріктілер тобы қайырымдылық жасады. Олар қаршадайынан тағдырдың тауқыметін тартқан балғындар үшін мерекелік кеш өткізіп, көтеріңкі көңіл-күй сыйлады. Сонымен қатар, жақсылықты желкен еткен еріктілер тобы бөбектерге сый-сияпаттар үлестірді.
– Қайырымдылық істерімен халық алғысына бөленіп жүрген жандарға аналық ризашылығымызды білдіреміз. Елімізде, өлкемізде осындай қайырымды адамдар көп болса нұр үстіне нұр болар еді, – дейді «Шапағат» орталығының меңгерушісі Шынар Жеңсікбаева.
Сондай-ақ, жуырда ғана құрылса да көпшіліктің ризашылығына бөленіп үлгерген ерікті жастар бұған дейінде қайырымдылық шараларын өткізген. Олардың ұйымдастырушысы Фариза Қонысқызы бұл шара алдағы уақытта да өз жалғасын табатынын жеткізді.
