СУ ҚҰДЫҚТАРЫ ЖӨНДЕЛІП, ГАЗ ҚҰБЫРЛАРЫ ТАРТЫЛДЫ
«Өңірлерді дамыту – 2020» мемлекеттік бағдарламасына сәйкес ауылдық елді мекендерді жарықтандыру мәселесімен қатар ауыз құдықтарын жөндеу жоспарлануда.
Бұл жұмыс биыл Қарақұм ауылдық округі Абай елді мекеніндегі құдықтарды жөндеуден басталады.
Сонымен қатар, Арал қаласын газдандыру жобасы аясында барлығы 293 шақырым газ құбыры жүргізіліп, 1 АГТС, 2 ГРП және 36 ШРП орнатылды.
Қазір Арал қаласындағы 6637 үйден газ жүйесіне қосылуға 4145 өтініш түскен. Соған сәйкес, 4134 жоба дайындалып, 2880 үй көгілдір отынның игілігін пайдалануда. Кәсіпкерлік нысандар мен басқа да мекемелер 61-і газға қосылды.
