БЕРЕРІ КӨП БАҒДАРЛАМА
ҚР «Өңірлерді дамыту-2020» бағдарламасы аясында Арал қаласындағы күрделі жөндеуді қажет ететін 47 көппәтерлі тұрғын үйдің 10-ы жөндеуден өтті. Енді Судоверфь № 16, № 22 көппәтерлі баспаналар кезекте тұр.
Биыл аудан бюджетінен бөлінген қаржы У. Қосымов көшесі бойындағы сағат құрылымын, қалада орналасқан скверлерді, Ауған соғысы ардагерлерінің аллеясына абаттандыруға жұмсалды. Алда № 262 мектеп-гимназиясынан Д. Нұрпейісова көшесі аралығына жаяу жүргіншілер жолы салынып, С. Сейфуллин, Әйтеке би көшелері бойындағы қорымдар қоршалатын болады.
Сондай-ақ, осы жылы Жақсықылыш кентіне жаяу жүргіншілер жолы, Аманөткел елді мекеніне аялдама салынады. Қамыстыбастағы демалыс орнына ауыз су тартылып, «Қамбаш» балаларды сауықтыру және қосымша білім беру орталығы» мемлекеттік коммуналдық қазыналық кәсіпорнының кәріз жүйесі ағымдағы жөндеуден өткізіледі
Сондай-ақ, Арал қаласының К. Бәйсейтова,Д. Нұрпейісова, Құрманғазы, М. Мәметова, Т. Бөріқұлақов, Космонавт, Т. Тоқтаров, Жарымбетов, М. Нұржаубаев көшелеріне жарықтандыру жұмыстары жүргізіледі.
