ЖОЛ ЖӨНДЕУ ЖҰМЫСТАРЫ БАСТАЛДЫ
Теңізді аудандың экономикалық-әлеуметтік жағдайы жыл саап жақсарып келеді. Биыл жол салу және жөндеу, тұрғын үй, коммуналдық шаруашылығы саласы бойынша аудандық маңызы бар Қызылжар елді мекеніне кіре беріс (6,4 шқ) автомобиль жолының күрделі жөндеу жұмыстарының ІІ-кезеңіне, Сазды, Райым, Водокачка елді мекендеріне кіре беріс жол құрылысына, «Арал-Әуежай-Жалаңаш (Бірлестік)» автомобиль жолын қайта жаңғыртуға қаржы қаралып, аудандық маңызы бар автомобиль жолдарын орташа, ағымдағы жөндеу жұмыстары іске асырылуда. Аралдықтарды қуантқан тағы бір жаңалық – Аманөткел ауылдық округінің Хан елді мекені тұсындағы қалқымалы көпір ағымдағы жөндеуден өтетін болады. Сонымен қатар, Самара-Шымкент-Сексеуіл, Қамыстыбас, Қосжар, Аманөткел елді мекендеріне кіре беріс жолдар мен қаладағы Б. Баймұратов-М. Сәрсенов, Сапақ би-Космонавт, В. Терешкова көшелеріне орташа жөндеу, «Тәуелсіздік» алаңы жанындағы жолды тегістеу жұмыстарын жүргізу жоспарланып, бүгінгі күні жұмыстар басталуда.
