АУДАНДАҒЫ АРДАГЕРЛЕР СПАРТАКИАДАСЫ
Ұлы Жеңістің 72 жылдығы мен республикалық «Ардагерлер ұйымы» қоғамдық бірлестігінің 30 жылдығына орай ардагерлер арасында аудандық спартакиада ұйымдастырылды. Оның ашылу салтанатында аудандық дене шынықтыру және спорт бөлімінің басшысы Н.Есбосынов аудандық ардагерлер кеңесінің төрағасы О.Бекбанов, Қазалы тораптық темір жолы ардагерлер кеңесінің төрағасы Ж.Көрпебаев тағы басқалар жарысқа қатысушыларға игі тілектерін арнады.
Ардагер спортшылар үш күн бойы спорттың теннис, бильярд, мылтық ату, дойбы, қол күресі, шахмат түрінен сайысқа түсіп шеберліктерін сынға салды.
Жарыс қорытындысында теннис пен бильярдтан Әбілқасым Алғашбаев, мылтық атудан Рабиға Шаламан, дойбыдан Әліби Әлиев, қол күресінен Дәуренбек Өтепбергенов, шахматтан Серік Қуанышбаев бірінші орын алды.
Жеңімпаздар мен жүлдегерлерге марапат тапсырылды.
