БОЛАШАҚТА ХИРУРГ ЖӘНЕ ЖАЗУШЫ МАМАНДАРЫН РОБОТ АЛМАСТЫРАДЫ
Оксфорд университеті Болашақ адамзат институты (Ұлыбритания) мен Йель университетіндегі саяси ғылымдар бөлімі (АҚШ) ғалымдары жасанды интеллект мүмкіндіктері адамзат санасының алдын орауы ықтмал екендігін айтты. Мамандар жасанды интеллект 2024 жылдары тілдерді аудару қабілетін игереді, ал 2026 жылға қарай орта мектеп бітіретін эссе жазып, 2027 жылға қарай жүк машинасы жүргізушілерін толықтай алмастырып адамның табиғи мүмкіндіктерінен асып түседі деп болжайды. 2031 жылы бөлшектеп сату дүкендерінің сатушысы мамандығы, 2049 жылға қарай беллетристикаға маманданған жазушылар түбегейлі жоғалады. 2053 жылы хирург мамандығы қажет болмайды. Олардың орнын робот басады. Бұл жайлы хабарлайды ҚазАқпарат.
Сондай-ақ, авторлар 45 жылдан кейін адамды 50 пайыз жасанды интеллект алмастыруы мүмкін, ал 120 жылдан кейін барлық жұмыс орындарында тек компьютерлік роботтар жұмыс істейді деп тұжырымдайды.
