ҚҰТҚАРУШЫЛАР БАЛАЛАРҒА СЫЙ ЖАСАДЫ
Халықаралық балаларды қорғау күні көптеген мектептер мен балабақшаларда дәстүрлі іс-шаралар өткізіледі. Балаларға түрлі спорттық жарыстар ұйымдастырылады, концерттер өтеді. Көптеген қалаларда асфальтқа сурет салу жарыстар ұйымдастырылады.
Ал Оңтүстік өңірлік аэроұтқыр жедел құтқару жасағының құтқарушылары Халықаралық балаларды қорғау күні мереке қарсаңында «Ашық есік» күнін өткізді. Бұл іс-шараға жасақ құтқарушыларының балалары шақырылып, оларға көрме ұйымдастырылды. Сонымен қатар балалар кезекші диспетчердің іс-қимылы, құтқарушылардың кәсіби даярлықтарын жетілдіруімен танысты Жасақ кинологтары балаларға іздестіру иттерімен өздерінің жұмыстарын көрсетті.
Содан кейін құтқарушылар балаларға балмұздақ таратып, Сырдария өзенінде қайықпен серуендетті.
Іс-шара соңында балалар арасында асфальт бетіне сурет салу конкурсы ұйымдастырылып, жеңімпаздарға мадақтау қағаздары мен сыйлықтар табыс етілді.
