КІТАПХАНАҒА ТАРТУ ЖАСАЛДЫ
«Тарихтан тағылым – өткенге тағзым» форумы аясындағы «Теңдессіз сый» шарасында облыстық кітапханаға кітаптар топтамасы тарту етіліп, «История Казахстана. Документы и материалы (1917-2012)» хрестоматиясының таныстырылымы өтті. – Саяси-қуғын сүргін құрбандарын еске алу күніне орай тұңғыш рет ұйымдастырылып отырған форум аясында акциядан ел алдымен оқырман ұтады. Біз тарту еткен топтамалар арасында еліміздегі 1917 – 2012 жылдар аралығында өткен оқиғалар жайлы «История Казахстана. Документы и материалы (1917-2012)» хрестоматиясының орны бөлек. Сондай-ақ, кітапханаға табысталған туындылар ішінде Қазақстандағы ұлттар музыкасының антологиясы да бар,– дейді ҚХА баспасөз хатшысы Қымбат Досжан.
Түстен кейін «Қайырымды ел» акциясы аясында Талсуат ауылындағы мүмкіндігі шектеулі балаларға арналған қайырымдылық шарасы ұйымдастырылады.
