КӨП ҰЗАМАЙ КӨРМЕ ДЕ БАСТАЛАДЫ
10 маусымда Астанада халықаралық мамандандырылған EXPO-2017 көрмесі өз жұмысын бастайды. Көрме кешенінің құрылысы осыдан үш жыл бұрын басталған. Бес жыл бұрын 161 елдің өкілі жасырын дауыс беру арқылы 2017 жылы мамандандырылған көрмені Астанада өткізуді қолдаған. Кейінірек ұлттық компания көрме кешенінің жобасын таңдаумен айналысты. Соңында кешен орталығында сферасы бар жоба жеңіп шықты. Дәстүрлі түрде құрылыс нысаны көрме символы болып табылады. 1889 жылы көрмеде Париждегі Эйфель мұнарасы болды, ал 2017 жылы – ұлттық павильонның сферасы болмақшы.
“Астана ЭКСПО-2017″ ҰК” АҚ өкілдерінің айтуынша, осы конструкция күн сәулесінен қуат алып, оны электр қуатына айналдырады. Сфераның үстінде екі желайдағыш генераторлар орнатылады. Павильонның іші мамандандырылған көрме стилінде – футуристтік дизайн болады. “Бүгінде 20 нысанның 18-і аяқталды.
Екі нысанда жұмыс жүріп жатыр – бұлар Конгресс-орталық пен қонақүй”, – деді Астана ЭКСПО-2017″ ҰК” АҚ басқарма төрағасы Ахметжан Есімов.
Қатысушы елдердің тулары ілініп тұрады. “Астана ЭКСПО-2017″ ҰК” АҚ мәліметінше, халықаралық рейстермен 310 мың шетелдік азаматтар келеді.
Көрме басталған уақытта қосымша рейстер қосылуы көзделуде. Польша, Венгрия, Финляндия және Қытайдан аптасына 11 рейс келіп тұрады.
Түнгі уақытта сфераның түсі өзгереді. Кейінірек, ұйымдастырушылардың уәдесі бойынша, сфераның үстінде жарық шоулар ұйымдастырылады. Павильондардан бөлек, көрме аумағында ашық аспан астында конгрес-хол мен амфитеатр жұмыс істейді. EXPO-2017 көрмесін белгіленген күні көру үшін 4 мың теңге болады, ал демалыстарда – 6 мың.
