ЖАРЫСТАН ҚАЙТҚАН СӘЙГҮЛІКТЕР ЖҮК КӨЛІГІНДЕ ТІРІДЕЙ ӨРТЕНІП КЕТТІ
Батыс Қазақстан облысындағы тасжолдардың бірінде жылқы тиелген жүк көлігі өртеніп кетті, - деп хабарлайды "Мой Городқа" сілтеме жасаған https://kaz.tengrinews.kz
Жүк көлігінде қанша сәйгүлік болғаны белгісіз, алайда, видеоны түсірушілердің сөзіне қарағанда төрт сәйгүлік тірідей үйітіліп қалған. Төтенше жағдай 25 мамырда Жаңақала тасжолында болыпты.
Батыс Қазақстан облысы ІІД баспасөз қызметінің мәліметі бойынша, аталған дерек қайғылы оқиға ретінде тіркелген және оны аудандық ІІБ қызметкерлері тергеп жатыр. Жүк көлігінің кабинасы жүріп келе жатып өртенген, осы кезде кузовта бірнеше жылқы болған. Олар көлікпен бірге тірідей өртеніп кеткен.
