АУДАН ӘКІМІ ЕГІС АЛҚАБЫНДА БОЛДЫ
Бүгінде егіншілер үшін егін науқаны басталып кеткені белгілі. Арал ауданына қарасты Ақбай ауылы маңында С.Ембергенов жетекшілік ететін егін, сүт және ет бағытындағы «Ақбай» шаруа қожалығы жалпы көлемі 1300 гектар жер көлеміне шемішке, жоңышқа, жүгері тұқымдарын себуді жоспарлап отыр.
Аудан әкімі М.Оразбаев аталмыш шаруа қожалығының жұмыс барысымен танысты. Сонымен қатар, егістік алқаптарын аралап, дән тұқымдарын себетін және жер жыртуға арналған арнайы техникалардың жұмысын көрді.
Айта кетейік, егіс жұмыстарына жалпы саны 10-нан аса техника жұмылдырылуда. «Ақбай» шаруа қожалығы бүгінгі күні шемішке тұқымын себу жұмыстарын бастап кетті.
