ШЫМКЕНТТЕ БАЛАНЫ БАСЫНАН КҮРЕКПЕН ҰРҒАН ЕР АДАМ ІЗДЕСТІРІЛІП ЖАТЫР - ВИДЕО
Бүгін "TVK" телеарнасына Шымкент қаласының тұрғынынан WhatsApp желісі арқылы жаға ұстатарлық бейнежазба келіп түскен, деп хабарлайды https://kaz.tengrinews.kz/
Видеода белгісіз ер адам 4 жас шамасындағы балаға физикалық күш қолданып, қорлап жатқаны түсірілген. Яғни, онда баланы бірінің үстіне бірі қаланған көлік доңғалақтарының ішіне салып қойып, басынан күрекпен аяусыз ұрып жатқанын анық көруге болады.
Бейнематериалды жолдаған азаматша бұл бейнежазбаны құрбысынан алғанын жеткізіпті.. Оның айтуынша, оқиға Шымкент қаласы, 11 мөлтекауданында болған. Нақты мекенжайы жоқ. Шағымданушылардың сөзінше, бұл оқиға жиі қайталанып тұрады екен.
Осы оқиғаға байланысты телеарна ОҚО ІІД-ге сұрау хат жолдапты. Ішкі істер департаменті "қазіргі таңда ОҚО Ішкі істер департаменті азаматтың жеке тұлғасын анықтау және жауапкершілікке тартуға қатысты жұмыстар жүргізіліп жатқанын" хабарлапты.
