Kyzylorda-News.kz

     Қазақстан Республикасы Білім және Ғылым министрлігі «Дарын» республикалық ғылыми-практикалық орталығының ұйымдастыруымен 5-10 сынып оқушылары арасында Қазақстан тарихы пәнінен «Тарих ата» ХІІ республикалық қашықтық олимпиадасы өткізілген болатын. Аталған білім сайысына қатысқан Қожабақы ауылдық №25 мектептің бір топ білімдар оқушылары қатысып, әрқайсысы өз деңгейіне сай доданың талаптарын орындап, жоғары көрсеткішке ие болды.

    Нәтижесінде №25 мектептің тарих пәнінің мұғалімі Сариева Гауһар дайындап, топқа қосқан 9-сынып оқушылары Аяған Рафила екінші орынды, Айберген Ұлболсын, Аманкелді Тоқтарбек және Әлібек Берікбол жүлделі үшінші орындарды иеленді.  Сондай-ақ, Қосбармақова Гүлбағида жетекшілік жасаған 6-сынып оқушылары Құдайберген Сымбат, Қуантқан Нұрсипат, Бөкей Гүлназ да жүлделі үшінші орынға табан тіреді. Мектептің намысын қорғаған білімбі балғындар және оларды Қазақстанның тарихын тануға баулыған жетекші ұстаздарына бұдан да жоғары жетістіктер тіледік.