Kyzylorda-News.kz

     ҚР ІІМ ТЖК Қызылорда облысының Төтенше жағдайлар департаментінің Азаматтық қорғаныс бөлімі қызметкерлерінің ұйымдастыруымен  департамент ғимаратында орналасқан музейге Қызылорда қаласы мекемелерінің азаматтық қорғаныс саласы бойынша жауапты қызметкерлеріне экскурсия өткізілді.  

    Департаментте 2 негізгі залдан тұратын музей бар. Көрме залы Қызылорда облысы өрт сөндіру тарихынан хабар береді. Мұнда департамент құрылғаннан бергі салаға басшылық жасаған азаматтардың фотосуреттері қойылған.  Бөлек стендте  төтенше жағдайлар саласының  ардагерлерінің өмірбаяны жазылған. Осы залда сондай-ақ Қызылорда қаласының макетін, офицердің парадтық және өрт сөндірушінің жауынгерлік киімін көруге болады.

    Сонымен бірге қызмет ету барысында ерлікпен қаза болған құтқарушылар мен өрт сөндірушілер туралы экспонаттарды да көруге болады.