ЛАРА ФАБИАН МЕН ЕВА ЛОНГОРИЯ ДИМАШ ҚҰДАЙБЕРГЕНДІ ТУҒАН КҮНІМЕН ҚҰТТЫҚТАДЫ
Әйгілі әнші Лара Фабиан мен белгілі актриса әрі модель Ева Лонгория қазақстандық әнші Димаш Құдайбергенді туған күнімен құттықтап, видео жолдады, - деп хабарлайды Tengrinews.kz тілшісі.
Бұл туралы әншінің PR-директоры Алпамыс Шаримов хабарлады. Лара Фабиан Димашқа тілегін айтып, ән салып берді.
"Димаш, бұл саған арналады. Бүгін сенің ең маңызды күнің екенін білеміз. Бұл сенің жарық әлемге келген күнің. Бұл күн сондай тамаша күн. Себебі дәл осы күні сен сияқты дарынды адам дүниеге келген күн", - дейді ол.
Айта кетейік, Лара Фабиан Димаш Құдайбергеннің I am a Singer байқауында Adagio әнін орындаған кезінде миллионнан аса жазылушысы бар парақшасында құттықтап, жоғары бағасын берген еді.
Ал актриса әрі модель Ева Лонгория былай деп құттықтайды: "Сәлем, Димаш! Бұл Ева, саған қуанышты туған күн тілеймін. Сен өте дарындысың. Сені танитыныма өте қуаныштымын!".
Айта кетейік, Димаш Құдайберген мен Ева Лонгория Париждегі Global Gift Gala гала-кешінде танысқан еді. Шараны америкалық актриса Ева Лонгория ұйымдастырды.
Бүгін - Димаш Құдайбергеннің туған күні. Әнші 23 жасқа толып отыр. Қытайдың жанкүйерлері қазақстандық әншінің туған күнін бір апта бұрын бастап кеткен.