ТЕРРОРИЗМ МЕН ДІНИ ЭКСТРЕМИЗМНІҢ АЛДЫН АЛУҒА АРНАЛДЫ
«Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалы - «Халыққа қызмет көрсету орталығы» департаментінде қызметкерлердің білімін жетілдіру мақсатында «Терроризм мен экстремизге қарсы іс-қимыл және өрт қауіпсіздігі, төтенше жағдайлардың алдын алу» тақырыбында облыстық семинар өткізілді. Аталған шараға Қазақстан Республикасы ҰҚК Қызылорда облысы және Байқоңыр қаласы бойынша департаменті, Қызылорда облысы ішкі істер департаменті, Дін мәселелерін зерттеу орталығы және Қызылорда облысы жұмылдыру дайындығы басқармасының терроризмге қарсы қызметті үйлестіру бөлімінің мамандары қатысты.
Семинар барысында терроризм мен экстремизге қарсы іс-қимыл және өрт қауіпсіздігі, төтенше жағдайлардың алдын алу жолдары, диструктивті діни ағымдар төңірегінде айтылып, ХҚКО қызметкерлері мамандарға сауалдарын қойды. Шара аясында алдағы уақытта бірлескен жұмыстар атқару жөнінде шешім қабылданды.
