ЖАСТАРҒА АРНАЛҒАН ТАНЫМДЫҚ ЭКСКУРСИЯ
Қызылорда облысының кәсіпкерлік және туризм басқармасы мен «Самұрық» инновациялық идеяларды дамыту орталығы» қоғамдық қорының ұйымдастыруымен Байқоңыр қаласына «Жер кіндігі Байқоңыр» тақырыбында студент жастар үшін танымдық экскурсия ұйымдастырды.
Танымдық экскурсия құрамында Қорқыт ата атындағы ҚМУ университеті, Қазақ гуманитарлық заң және техникалық колледжі, «Болашақ» университеті, «Абылай хан» колледжінің студенттері болды.
Бұл шара студенттер үшін Байқоңыр ғарыш айлағын жақын тануға үлкен мүмкіндік берді. Жастар атақты ғарышкерлер туралы, қаланың тарихы мен шаһарға қатысты қызықты оқиғалар жайлы көптеген мәліметтер алды.
Бұдан кейін студенттер қаланың көрікті жерлері мен ескерткіштерін аралап шықты.
