ӘДІЛОВТЕР ОТБАСЫ ОЗЫП ШЫҚТЫ
Халықаралық отбасы күніне орай қалалық демалыс паркінде облыстық жастар саясаты мәселелері басқармасы, «Өркениетті Қазақстан» қоғамдық бірлестігі және «Жастар ресурстық орталығының» ұйымдастыруымен «Біз отбасымызбен біргеміз!» атты отбасылық спорттық сайыс өткізілді. Байқауға 6 отбасы қатысып, бақтарын сынады. Бес кезеңнен тұрған сайыста I орынды Әділовтер, II орынды Бостановтар, III орынды Сартаевтар отбасы иеленді. Барлық қатысушыларға алғыс хаттар мен ынталандыру сыйлықтары табысталды.
Сайыста «Өркениетті Қазақстан» қоғамдық бірлестігінің президенті Р. Жаппарбергенов пен «Жастар ресурстық орталығы» КММ директоры Ж.Алдабергенов қатысушыларды халықаралық отбасы күнімен құттықтады және жеңімпаздар мен жүлдегерлерді арнайы дипломдармен марапаттап, бағалы сыйлықтар табыстады.
