ТЕҢІЗ АРЫСТАНЫ КІШКЕНТАЙ ҚЫЗДЫ СУҒА ТАРТЫП ӘКЕТТІ
Әдетте залалсыз жануар саналатын теңіз арыстаны Канадада кішкентай қызды су астына тартып әкетуге әрекеттенген. Бұл туралы ОРТ телеарнасы хабарлап отыр.Әлеуметтік желілерге тараған видеода топ адамның айлақта судағы тіршілік иелерін тамақтандырып тұрғаны көрінеді. Осы сәт суға ту сыртын беріп отыра кеткен кішкентай қызға теңіз арыстаны атылып, оны су астына сүйрелей жөнеледі.
Жағалауда тұоған әкесі дереу суға секіріп, қызды құтқарып қалған. Бұл оқиғадан ешкім зардап шекпегені хабарланып отыр. Мамандардың топшылауынша су арыстанының аяқ асты мінез көрсетуіне адамдардың өзі кінәлі болуы мүмкін.
