Kyzylorda-News.kz

     2017 жылдың мамыр айының 19-ы күні Қызылорда қаласында Ғ. Мұратбаев атындағы стадионында Ұлы Отан соғысының Жеңіс күніне орай «Қызылорда еріктілері» қауымының басшылығы облыстық спорт және туризм басқармасының қолдауымен мүмкіндігі шектеулі жандарға облыстық олимпиада өткізді. Аталған бұл іс-шарада Оңтүстік өңірлік аэроұтқыр жедел құтқару жасағының құтқарушылары байқаудың қауіпсіздігін қамтамасыз етіп, мүмкіндігі шектеулі жандарға (мүгедек арбасымен) кедергілерден өткізуге көмектесті.

    Бұл жарысқа 40-қа жуық адамдар қатысты. Барлық қатысушылар Қызылорда қаласының мүгедектері және Талсуат денсаулықты орнына келтіру орталығының ем қабылдап жүрген азаматтары.

    Бұл іс-шараның мақсаты – дене шынықтыру және мүгедектердің спорт түрлерін көпшілікке көрсету, бұқаралық спортты насихаттау және дамыту, мүмкіндігі шектеулі жандарды олардың жүйедегі ұйымдасқан бәсекелестікке тарту арқылы белсенді және салауатты өмір салтын сауықтыру.

    Жарыс аяқталғаннан кейін жасақ құтқарушылары барлық қонақтарға және көрермендерге судағы қауіпсіздік ережелері туралы үнпарақтар мен брошюраларын таратып шықты.