ИЕСІН ТАСТАМАҒАН ИТ ҒАЛАМТОР ЖҰЛДЫЗЫНА АЙНАЛДЫ
Ауладағы талдың артық бұтақтарын кесіп жатып құлап кеткен иесін дәрігерлер жеткенше құшақтап жұбатқан Тони атты ит ғаламтор жұлдызына айналды.
Есінен танған иесін «Жедел жәрдем» көлігіне салғанда Тони көлікті шыр айнала беріпті. Тіпті, оның соңынан біраз жерге дейін ілесе жүгіріпті. Жеңіл жарақат алған иесі көп ұзамай үйіне қайтыпты.
«Бір кездері мен оны көшеден тауып алған едім. Қазір ол біздің отбасының бір мүшесі болып кетті», - дейді Тони жайлы оның қожайыны.
