ҚЫЗЫЛОРДАЛЫҚТАР 264 АТЫС ҚАРУЫН ӨТКІЗДІ
Қоғамдық қауіпсіздікті қамтамасыз ету, атыс қаруы мен жарылғыш заттарды қолдана отырып жасалатын қылмыстар мен құқық бұзушылықтардың алдын алу мақсатында 2017 жылғы 10 сәуірден бастап республика аумағында заңсыз сақтаудағы атыс қаруын, оқ-дәрілер мен жарылғыш заттарды өтемді түрде сатып алу акциясы жүргізіліп жатқаны белгілі. Аталған акцияда атыс қаруын ерікті түрде өтемді тапсыру шығындарын қаржыландыруға республикалық бюджеттің қаражаты есебінен Қызылорда облысына 15 миллион теңге бөлінді.
Акция басталған уақыттан бері тұрғындардан 264 дана атыс қаруы қабылданды.
