ЖАС ҚҰТҚАРУШЫЛАР ЖЕҢІСІ
Қызылордалық «Жас құтқарушылар» құрамасы 2012 жылы қыркүйекте құрылды. Топ негізінен Абылайхан атындағы колледждің студенттерінен жасақталған. Әр жаңа оқу жылында топ құрамы жаңарып отырады. Құрама жетекшісі – жоғары сыныпты, тәжірибелі құтқарушы, оқытушы Айбек Сұлтанбеков.
Жас құтқарушылар құрамасы құрылған уақыттан бастап, қалалық, облыстық және республикалық жарыстарда жүлделі орындар иемденіп жүр. 2014 жылы 22-28 маусымда Әзербайжан Республикасындағы Гябяля қаласында өткен халықаралық жарысқа ТМД елдерінен келген 23 команданың арасында қызылордалық «Жас құтқарушылар» құрамасы мәртебелі үшінші орында жеңіп алды.
Колледж студенттері Қызылорда облысы Төтенше жағдайлар департаменті бөлімшелерінің іс – шараларына белсене қатысып отырады. Сонымен қатар 2015 жылы «Қазқұтқару – 2015» халықаралық жиын – семинарына қатысқан жас құтқарушылар екінші орын иеленді. Бұл - кәсіби құтқарушы болуға дайын жас студенттердің жетістіктерінің бір қыры ғана.
