ЖАС ӨНЕРТАПҚЫШТАР ЖАРЫСЫ
Қызылорда облысының білім басқармасы «Дарын» ғылыми- практикалық орталығының ұйымдастыруымен Қызылорда қаласы, №9 «Білім-инновация» лицей-интернатында жалпы білім беру ұйымдарының 11-17 жас аралығындағы оқушыларына арналған техникалық шығармашылық және өнертапқыштар жарысының облыстық кезеңі өткізілді. Жарысқа 11 жоба ұсынған 14 оқушының жетеуі жүлделі орындарға ие болды. Қармақшы ауданы, №273 орта мектебінің 8 сынып оқушысы Бекзат Төлепберген, осы аудандағы №273 орта мектептің 9 сыныбында оқитын Бауыржан Қуандықов I дәрежелі диплом иегерлері атанды.
Қызылорда қаласы, №4 облыстық дарынды балаларға арналған мектеп- интернатының 8 сынып оқушысы Ұлан Жарылқасын мен осы мектептің 9 сыныбында оқитын Ғани Нұрмаханға II дәрежелі диплом бұйырды.
ІІІ дәрежелі диплом иегерлері болып Қызылорда қаласындағы №3 мектеп-лицейінің 9 сынып оқушылары Ержан Кенжебек, Мағжан Бекетов пен Жандос Бақберген танылды.
