МУЗЕЙДЕГІ ТҮН

Осы түні театрландырылған көріністер, арнайы көрмелер, ұлттық ойындар мен шоу-бағдарламалар ұйымдастырылады. Және биыл музейге экскурсияны жергілікті өнер жұлдыздары жүргізеді.
- Дәстүрге сәйкес осы күні біз сағат 10:00-ден түнгі 00:00-ге дейін жұмыс істейміз. Шараға қатысуға тілек білдіргендер осы күні музейдегі жәдігерлерді тегін тамашалай алады, — облыстық тарихи-өлкетану музейінің ғылыми қызметкері Алма Мұқанова.
Акцияның негізгі мақсаты жас толқынға заманауи музейлердің әлеуетін кеңірек таныстыру болып отыр.