«ҚЫЗЫЛОРДА МАСТЕРС» РЕСПУБЛИКАЛЫҚ ТУРНИРІНІҢ ЖЕҢІМПАЗДАРЫ АНЫҚТАЛДЫ
Қызылорда қаласында теннистен 12 жасқа дейінгі жасөспірімдер арасында «Қызылорда мастерс» республикалық турнирі өтті. Аталмыш жарысқа Астана, Алматы қалалары мен, Алматы, Ақмола, Батыс Қазақстан облысы және Қызылордадан 60 спортшы қатысып, үздіктер анықталды. Турнир қорытындысы бойынша ұлдар арасында қызылордалық спортшыларға үш жүлде бұйырды. Атап айтсақ, Ерасыл Ерділда алтын медальға қол жеткізсе, Жақас Қозбақ күміс, Бекжігіт Минаж қола жүлдені еншіледі.
Ал қыздар арасында қызылордалық Эдельлис Нармағанбет жеңіс тұғырына көтерілді. Екінші орынды астаналық Адема Асқарова, үшінші орынды қызылордалық Урсула Рахмет иеленді.
Микст ерекшелігі бойынша 1-орын Жақас Қозбақ, Эдельлис Нармағанбет (екеуі де Қызылорда), 2-орын Ерасыл Ерділда (Қызылорда), Таира Әбілдаева (Алматы), 3-орын Адема Асқарова, Игорь Татаров (екеуі де Астана).
