ҚАЗАҚСТАНДЫҚ СТУДЕНТ «GLOBAL SWEDE AWARD» СЫЙЛЫҒЫН ИЕЛЕНДІ
Адина Хамитова әлемдегі мәртебелі сыйлықтың бірі саналатын «Global Swede Award»-ты иеленген алғашқы қазақстандық студент. Бұл туралы ҚР СІМ баспасөз хатшысы Әнуар Жайнақов өзінің Фейсбук парақшасында жазады. «Отандасымызды бұл сыйлыққа Швециядағы Каролина институты ұсыныпты. Бұл институт осы елде медициналық білім беретін іргелі оқу орны» дейді ол.
А. Хамитова бұл сыйлыққа үздік шетелдік студент ретінде ұсынылған. Сондай-ақ оның халықаралық байланыс пен инновациялық дамуға қосқан үлесі де ескерілген.
Шараға байланысты салтанат Швецияның Сыртқы істер министрлігінде өтіп, лауреаттарға сыйлықты осы елдің Еуропалық одақ және сауда жөніндегі министрі Анн Линде табыс етті.
