СЫРБОЙЫЛЫҚ ӨНЕРПАЗ БАЛАЛАР САНКТ-ПЕТЕРБУРГ САХНАСЫНА ШЫҒАДЫ
Осы айдың соңында Санк-Петербург қаласында өтетін мүмкіндігі шектеулі балалардың «Шаг навстречу!» атты X шығармашылық конкурс-фестиваліне №6 есту қабілеті бұзылған балалардың арнайы мектеп-интернатының оқушылары Сағи Мұхаммед, Айдана Оралбай, Еркеұлан Қуандық, Мадина Әбеновалар қатысады. Өнерпаз балалар Санкт-Петербургте халық күйі «Кеңес» және Даулеткерейдің күйі «Қосалқа», «Два орла», «Аист на крыше», «Птица счастья» әнін ым-ишарат тілінде орындайды.
Балалардың халықаралық фестивальге қатысуына «Нұр Отан» партиясының Қызылорда облысындағы филиалы, облыстық білім басқармасы, облыстық мәдениет және мұрағаттар басқармасы, «Болашақ» университетінің жастар комитеті, «Доктор Плюс» дәріханасы, «Цесна банк» демеушілік жасап отыр.
