ҚЫЗЫЛОРДАДА АРНАЙЫ – ТАКТИКАЛЫҚ ЖАТТЫҒУ ӨТТІ
Тасбөгет кентіндегі бас су жинау стансасында арнайы – тактикалық жаттығу өткізілді. Жаттығудың сценарийі бойынша стратегиялық объектіде баллон ашылып, сұйық хлордың төгіледі. Техногендік сипаттағы төтенше жағдайларды жою үшін жедел Қызылорда облысы Төтенше жағдайлар департаменті, Авариялық құтқару жұмыстарының қызметі, Апаттар медицинасы орталығы, Оңтүстік өңірлік аэроұтқыр жедел құтқару жасағы қызметкерлерінен құрылған жедел жасағы, ІІД жедел тобы, қаланың медициналық және авариялық қызметі дайындыққа келтірілді. Арнайы – тактикалық жаттығудың негізгі мақсаты – авариялық құтқару құрамаларының және нысан қызметкерлерінің кәсіби дайындық деңгейін арттыру, хлордың төгілуінен болатын апаттар орын алған кезде олардың іс- қимылының жеделдігін және тиімділігін қамтамасыз ету.
Оқу – жаттығу барысында авария жағдайын ауыздықтау және жою бойынша арнайы бөлімшелердің және өндірістік жұмысшылардың іс – қимыл тәртібі пысықталды. Кәсіпорын диспетчері авария туралы хабарламаны алғаннан кейін, тез арада нысан аумағында химиялық дабыл көтерді. Одан кейін авариялық – құтқару құрамаларын құлақтандырды.
Авариялық – құтқару құрамалары оқиға орнына келген бойда эвакуациялау шараларын жасап, зардап шеккендерге алғашқы медициналық көмек көрсетуге және қорғаныш пердесінің көмегімен хлорды бейтараптандыруға кіріседі.
Арнайы – тактикалық оқу – жаттығуға 76 адам мен 24 техника жұмылдырылды.
Оқу – жаттығу қорытындысында ҚР ІІМ ТЖК Азаматтық қорғаныс басқармасының аға офицері, подполковник Б.Абдықадыров оқу – жаттығуға қатыстырылған ведомстволардың, аварияның алдын алуға жұмылдырылған күштер мен құралдардың іс – қимылы мен дайындығына оң баға берді
