Kyzylorda-News.kz

     Еліміздің қорғаныс қабілеттілігі мен әскери қауіпсіздігін нығайтуға қомақты үлес қосқан Қарулы Күштердің әскери қызметшілері, сондай-ақ Қазақстан Республикасының азаматтары «Ел қорғаны» медалімен марапатталады. Қазақстан Республикасы Қарулы Күштерінің 25 жылдығына орай «Мемлекеттік рәміздер және Қазақстан Республикасының Президентіне тікелей бағынатын және есеп беретін кейбір мемлекеттік органдардың, Қазақстан Республикасы Конституциялық Кеңесінің, құқық қорғау органдарының, соттардың, Қарулы Күштердің, басқа да әскерлер мен әскери құралымдардың ведомстволық және оларға теңестірілген өзге де наградаларының геральдикасы мәселелері туралы» Қазақстан Республикасы Президентiнiң 2011 жылғы 30 қыркүйектегі № 155 Жарлығына толықтырулар енгізу туралы» Қазақстан Республикасы Президентiнiң 2017 жылғы 25сәуірдегі № 466 Жарлығымен Қорғаныс министрлігінің «Ел қорғаны» жаңа ведомстволық медаль тағайындалды.

    Аталған медалімен әскерлерге басшылық жасауда және қойылған міндеттерді орындауда, оқу-жаттығуларда, жауынгерлік кезекшілікті атқару кезінде, жаңа жауынгерлік және арнайы техниканы меңгеруде, қару-жарақпен әскери техниканы ұдайы жауынгерлік әзірлікті қамтамасыз ету жай-күйінде ұстауда, қолбасшылықтың арнайы (жедел) тапсырмаларын орындау кезінде, жұмылдыру даярлығында, әскери-патриоттық, педагогикалық, ғылыми-зерттеу, емдеу және өзге де әскери (әскери-қолданбалы) қызметте, мерзімді әскери қызмет өткеру кезеңінде әскери мамандықты меңгеруде қол жеткізген табыстары мен жетістіктері үшін Қазақстан Республикасы Қарулы Күштерінің әскери қызметшілеріне , сондай-ақ Қазақстан Республикасының қорғаныс қабілетін, әскери қауіпсіздігін нығайтуға елеулі үлес қосқан азаматтармар апатталады.

     «Ел қорғаны» медалі екі дәрежеден тұрады: 1) Қазақстан Республикасының қорғаныс қабілетін, әскери қауіпсіздігін нығайтуға елеулі үлес қосқан Қазақстан Республикасы Қарулы Күштерінің офицерлер құрамы мен Қазақстан Республикасының азаматтарын марапаттауға – І дәрежелі «Ел қорғаны» медалі; 2) Қазақстан Республикасы Қарулы Күштерінің сержанттар және сарбаздар құрамдарының әскери қызметшілерін марапаттауға – ІІ дәрежелі «Ел қорғаны» медалі тағайындалды.