Kyzylorda-News.kz

 

    Елордада Қазақстан Республикасы Қарулы Күштерінің 25 жылдығына арналған Әскери парадтың әуе бөлігінің жаттығуы өтуде.

    Ағымдағы жылғы 7 мамырда өтетін Әскери парадта көкке еліміздің Әуе қорғанысы күштерінің 70-тен аса авиациялық техникасы көтеріледі. ҚР Қорғаныс министрлігі баспасөз қызметінің хабарлауынша әзірше олардың көрерменге қандай көрініс көрсететіні құпия сақталады.

    Бір анығы, бұл авиашоу бұдан бұрын өткізілгендерден асып түсіп, көрерменнің қызығушылығын тудырады. Аспанда Ми-8, Ми-17, Ми-26, Ми-35, Ми-171Ш, ЕС-145, Ту-134, Ту-154, Ан-26, Ан-72, С-295 әскери-көлік авиациясы мен Су-25, Су-27, Су-30, МиГ-27, МиГ-29, МиГ-31 майдандық авиациясының ұшақтары пайда болады. Бұл әскери парадта армияның жауынгерлік қуаты, Қарулы Күштердің техникалық тұрғыда жабдықталуы жан-жақты танылып, қазақстандық армияның жауынгерлік арсеналын толықтырған отандық және шетел өндірісінің қару-жарағы мен әскери техникасының заманауи үлгілерін көрсетіледі.