ҚАЗАЛЫҒА ИРАНДЫҚ КӘСІПКЕРЛЕР КЕЛДІ
Иран Ислам Республикасының кәсіпкерлері Қазалы ауданына жұмыс сапарымен келді. Бұл туралы аудан әкімдігінің баспасөз қызметі хабарлады.
Делегация құрамында «Incheh Broon Farogir Cooperative, Inc» компаниясының бас директоры және директорлар кеңесі төрағасының орынбасары Садеги Али Насер, ет комбинатының құрал-жаюдықтарын жасау зауытының инженері Насербахт Багер Жамшид бар.
Сапар барысында ирандық кәсіпкерлер «Сыр маржаны» серіктестігінің Шеңгелді учаскесіндегі 3000 басқа арналған мал бордақылау алаңында болып, келешек ет комбинатының орнын белгіледі. Серіктестіктің күріш зауытымен, №1 егістік бригадасындағы күріш себу жұмыстарымен танысты.
Ирандық делегация өкілдері Қазалы ауданымен сауда-экономикалық байланыстарының одан әрі нығаюына ниетті екендіктерін жеткізді. Сондай-ақ, ауыл шаруашылығы, кәсіпкерлік салаларында бірлесе жұмыс істеуге дайын екендіктерін білдіріп, «Сыр маржаны» ЖШС директоры М.Өтеевпен келісімшартқа отырды.
