Kyzylorda-News.kz

     Аймақта есірткі алқаптарын анықтау мақсатында облыстық ішкі істер департаменті министрлікке   «Дельта-Сырдария» арнайы құрылымдық бөлімшесін құру жайлы ұсыныс енгізген болатын. Ұсыныс министрлік тарапынан қолдау тапты, соған сәйкес 2017 жылдың  1 маусым – 30 қазан аралығында аумақтық Ішкі істер департаменттерінің жедел қызметкерлерін және Ұлттық Ұланның тікұшақ техникаларын, сондай-ақ «Бүркіт» арнайы жасағының әскери қызметкерлерін жұмылдыру жөнінде шешім қабылданды, деп хабарлайды Қызылорда ОІІД баспасөз қызметінен.

    Осыған байланысты кеше «Республикалық «Көкнәр-2017» жедел-профилактикалық іс-шарасы барысындағы ведомствоаралық іс-шараларды үйлестіру» тақырыбында кеңес өткізіліп, құзырлы мемлекеттік органдар  облыс аумағында есірткі заттарын заңсыз  егудің жолын кесу бағытында бірлесіп атқарылатын іс-шаралар мен  міндеттерді талқылады.  

    Кеңеске облыстық әкімдік қызметкерлері, облыстық прокуратура, ҰҚК-нің  Қызылорда  облысы  және  Байқоңыр қаласы бойынша департаменті,  мемлекеттік  кірістер департаменті, шекара қызметі,  Ұлттық  Ұлан өкілдері қатыстырылды.