Kyzylorda-News.kz

     26 сәуірде атмосфералық ағындардың өтуіне байланысты республиканың батыс, солтүстік және оңтүстік аймақтарының кей жерлерінде жаңбыр жауады. Республиканың кей жерлерінде найзағай, тұман болып, екпінді жел соғады, қиыр солтүстікте бұршақ жаууы мүмкін, деп хабарлайды Қазгидромет.

    Оңтүстік Қазақстан, Қызылорда, Маңғыстау облыстарының кей жерлерінде шаңды дауыл, жел 15-20 м/с күтіледі, күндіз Оңтүстік Қазақстан облысында желдің екпіні 23 м/с күшейеді.

    Солтүстік Қазақстан облысының кей жерлерінде жел 15-20 м/с күшейеді, күндіз бұршақ жаууы мүмкін.

    Қостанай, Шығыс Қазақстан облыстарының кей жерлерінде тұман болып, жел 15-20 м/с күшейеді.

    Күндіз Ақмола, Жамбыл, Атырау, Батыс Қазақстан, Ақтөбе облыстарының кей жерлерінде желдің 15-20 м/с күшеюі күтіледі.

    Қарағанды облысының оңтүстік-шығысында өрт шығу қаупі өте жоғары деңгейде болады.