Kyzylorda-News.kz

 

     Аудан орталығы Әйтеке би кентінде орналасқан Қ.И.Сәтбаев атындағы №216 мектептің қосымша құрылысы басталды. Жаңа корпуста спорт зал, асхана, шеберхана салынады.

     Салтанатты шараға қатысқан «Нұр Отан» партиясы облыстық филиалы төрағасының бірінші орынбасары И.Құттықожаев білім саласына көрсетіліп жатқан қолдауларды айта келе, құрылыс жұмысына сәттілік тіледі.

     Аудан әкімі Н.Шамұратов мектептің тарихына тоқталып, ұжымды білім ордасының 50 жылдық мерейтойымен құттықтады. Сонымен қатар, салтанатты рәсімге мектеп ардагері Гүлжаһан Шалболова қатысып, батасын берді.

Айта кетейік, аталмыш мектеп 1966 жылы 28 ақпанда Қазалы аудандық халық депутаттары атқару комитетінің №66 шешімімен мектеп-интернат болып салынған. Қазіргі таңда мектепте 800-ге жуық оқушы білім алуда.