ҚЫЗЫЛОРДАЛЫҚ СТУДЕНТТЕР РЕСПУБЛИКАЛЫҚ ОЛИМПИАДАДАН ТОП ЖАРДЫ
Әлеуметтік жұмыс мамандығы бойынша академик Е.А.Букетов атындағы Қарағанды мемлекеттік университетінде өткен IХ Республикалық студенттік пәндік олимпиадаға қатысқан Қорқыт Ата атындағы Қызылорда мемлекеттік университетінің командасы I орынды иеленді. Бұл туралы университеттің баспасөз қызметі хабарлады. Студенттік пәндік олимпиадаға Е.А. Букетов атындағы ҚМУ, Л.Н.Гумилев атындағы ЕҰУ, Әл-Фараби атындағы ҚҰУ, Нархоз университеті, ҚазТұтынуОдағы ҚЭУ, С.Торайғыров атындағы ПМУ, Орталық Қазақстан академиясының командалары қатысты.
Олимпиада 3 этаптан тұрды. Білім додасының қорытындысы бойынша Қорқыт Ата атындағы Қызылорда мемлекеттік университетінің «SOCIAL VISION» командасы топ жарды.
Бұл топқа қауымдастырылған профессор міндетін атқарушы, экономика ғылымдарының кандидаты Өмірзақова Меруерт Әбдуәліқызы жетекшілік етті. Білім бәйгесінің нәтижесінде кезекті Х республикалық пәндік олимпиада Қорқыт Ата атындағы Қызылорда мемлекеттік университетінде өтетін болады.
Е.А.Букетов атындағы Қарағанды мемлекеттік университетінің ректоры Е.Қ.Көбеев Қорқыт Ата атындағы Қызылорда мемлекеттік университетінің ректоры Қ.А.Бисеновке және университет ұжымына алғыс білдірді.
