ТӘРБИЕШІ ЖҰМЫСТАН БОСАТЫЛДЫ
Осыдан 3 күн бұрын әлеуметтік желілерге Қызылордадағы «Бибіажар» балабақшасында болған оқиға түсірілген видео жарияланған еді. Онда балабақша әдіскерінің бір баланы ұрғаны бейнеленген. Осыған байланысты Қызылорда облысының білім басқармасы жүргізген зерделеу жұмыстарының нәтижесінде жекеменшік балабақша әдіскерінің жұмыстан босатылғандығы анықталды.Бүгінде жекеменшік балабақшалар кәсіпкерлік нысан болып саналып, қызметкерлерді жұмысқа мекеме меңгерушісі қабылдайды. Дегенмен де білім басқармасы өз құзіреті шегінде Қызылорда қалалық білім бөліміне балабақшаның меңгерушісі мен бірқатар қызметкерлеріне тәртіптік шара қолдану жөнінде ұсыныс берді. Осыған сәйкес, Қызылорда қалалық білім бөлімі тексеру жұмыстарын бастады.
Сонымен қатар, орын алған жағдайға байланысты Қызылорда облысының Ішкі істер департаменті де сотқа дейінгі тергеп-тексеру амалдарын жүргізуде.
