ҰЛТТЫҚ ӨНЕР ҰЛЫҚТАЛЫП КЕЛЕДІ
Елбасының «Болашаққа бағдар: Рухани жаңғыру» атты мақаласы ұлттық құндылықтарымызды ұлықтауға жаңа серпін берері сөзсіз. Әсіресе, бұл еңбектің ертеде ұлы даланы тербеген ұзандар үнін жалғастырған жыраулар мектебі бар біздің өңір үшін орны ерекше. Бұл туралы бүгін өткен идеологиялық активте облыс әкімінің міндетін атқарушы Қуанышбек Ысқақов айтты. Ұлттық құндылықтарымыздың ішінде жыршы-жыраулардың алатын орны ерекше. Сыр өңіріндегі жыраулық өнер – қазақ өнерінің басқа түрлеріне ұқсамайтын, дауыс мақамы мен көмей дыбыстары арқылы ерекшеленетін жанр. Осы жыршылық өнерді жас ұрпаққа насихаттау, түркі тілдес халықтардың ұлттық фольклорлық-музыкалық өнерін дәріптеу және мәдени өзара қарым-қатынас пен байланысты нығайту бағытында түркі тілдес елдердің Халықаралық «Қорқыт және Ұлы Дала сазы» фольклорлық музыкалық өнер фестивалін өткізу дәстүрге айналды.
Фирдоусидің «Шахнамасынан» Тұрмағамбеттің «Шахнамасына» айналған әлемнің жыр жауһары – «Шахнама» аудиоэнциклопедиясы жарық көрді,-деді Қ. Досмайылұлы.
