Kyzylorda-News.kz

     Қызылорда облысының қылмыстық істер жөніндегі мамандандырылған ауданаралық соты 2017 жылдың 1-ші тоқсанының қорытындысы бойынша БАҚ өкілдеріне баспасөз конференциясын өткізді.  

    Үш айда сотқа 15 адамға қатысты 10 қылмыстық іс түсіп, өткен жылдың осы уақытымен салыстырғанда іс саны 6 іске көбейгені байқалады.

    Осы мерзімде 11 адамға қатысты 9 іс үкім қабылдау арқылы қаралған, 1 іс бойынша 1 адамға медициналық сипаттағы мәжбүрлеу шараларын қолданды (2016 ж. 3 айы - 12 адамға қатысты 4 іс қаралды).

    Бірінші тоқсанда 11 адам сотты болды (2016 ж.3 айы - 12 адам). Сотталған 11 адамның барлығына бас бостандығынан айыру жазасы қолданылды (100 %).  

    7 сотталушыға қосымша жаза ретінде мүлкін тәркілеу тағайындалды, 1 сотталушыға маскүнемдіктен емдеу үшін медициналық сипаттағы мәжбүрлеу шарасы қолданылды. 1 адам педагогиқалық қызметпен және кәмелетке толмағандармен жұмыс істеуге байланысты қызметтерді атқару құқығынан 10 жылға айырылды.

    Көрсетілген мерзім ішінде істердің қаралу мерзімі бұзылмаған.  Барлық істерді қарауда дыбыс-бейне жазба қоңдырғысын пайдаланылған.

    Осы кезеңде қаралған, жұртшылық арасында қоғамдық пікір туғызған қылмыстық істер бойынша  судья Асхат Сабыров БАҚ өкілдеріне сұхбат берді.