ҒЫЛЫМИ ҚЫЗМЕТКЕРЛЕР МЕН ЖАС ҒАЛЫМДАР МАРАПАТТАЛДЫ
Қорқыт Ата атындағы Қызылорда мемлекеттік университетінде 12 сәуір – Ғылым қызметкерлері күніне арналған «Аймақ экономикасын индустриялық-инновациялық дамытудың мәселелері мен келешегі» атты дөңгелек үстел өтті. Бұл туралы университеттің баспасөз қызметі хабарлады.
Шараны университеттің бірінші проректоры Абайбек Жүнісов ашты. Конференция барысында аймақтың дамуына оң ықпалын тигізетін жобалар бойынша ғалымдар мазмұнды баяндамалар жасады.
ҚР Ғылым қызметкерлері күніне орай ғылымды дамытуға қосқан үлесі үшін университеттің бірнеше ғалымдары мен қызметкерлері «Қорқыт Ата атындағы Алтын медальмен» марапатталса, университеттің ғылыми-зерттеу қызметінде қол жеткізген жетістіктері үшін жас ғалымдар мен қызметкерлерге, білім алушыларға университет ректорының Алғыс хаты табыс етілді.
